छोट्या दोस्तांनो, पक्षी तुम्हाला काही नवे नाहीत. अगदी लहानपणीच्या चिऊ-काऊच्या घासापासूनच आपली आणि पक्ष्यांची मैत्री आहे. पण आपल्या सभोवताली आज असे कितीतरी पक्षी आहेत, की ज्यांची आपल्याला नावेही माहीत नाहीत. अशाच पक्ष्यांची माहिती करून देणारे "पक्षी जगत' हे सदर आजपासून खास तुमच्यासाठी सुरू होत आहे. या सदरामध्ये हे पक्षी राहतात कसे, खातात काय, त्यांची वैशिष्ट्ये काय अशी विविधांगी माहिती असणार आहे. चला तर मग सज्ज व्हा, या पक्षी जगताच्या सफरीला..

चष्मा डोळ्यांना कमी दिसू लागले, डॉक्‍टरांचा सल्ला घेतला जातो. त्यानंतर आपल्याला आवश्‍यक असा चष्मा दिला जातो. परंतु डोळ्यांना वारा लागू नये किंवा डोळ्याचे संरक्षण करण्यासाठीही चष्मा वापरला जातो. "गॉगल' हाच शब्द मोठ्या प्रमाणात वापरला जातो. दर्जानुसार त्याची किमतही तितकीच अधिक असते. परंतु चष्मा काही प्राचीन काळापासून वापरात नाही. काचेच्या शोधानंतर आणि डोळ्यांना चांगले स्पष्ट दिसण्यासाठी, किंवा अक्षरे मोठी दिसण्यासाठी काचा वापरण्यास सुरवात झाली.

"उभी मैत्री' कालपासून बाजूच्या घरात ठाकठोक, ठकाठक असे आवाज येत होते. त्याने एक दोनदा बाजूच्या घरात डोकावून पाहण्याचा प्रयत्न केला. पण नीटसे काही समजले नाही. चालले असेल नेहमीचे रिपेअरींग... कळेल नंतर. असे समजून त्याने लक्ष दिले नाही. आणि आज सकाळी पाहतो तर काय? त्याचा जुना शेजारी जाऊन तिथे एक नवीन टकाटक शेजारी आलेला. या नवीन शेजाऱ्याचे दिसणे, त्यांचे पॉश कपडे, त्याचा लूक... सगळेच डिफरंट! एकदम हटके!! जुना शेजारी मात्र साध्याच कपड्यात.

क्लासमेट २६ नोव्हेंबर२०११ पान १ पान २ पान ३ पान४ पान ५ पान ६ पान ७ पान ८

रो जची 'सकाळ' 'चिंटू'सोबत मस्त धमाल करत उजाडते... महाराष्ट्रातील आणि जगभर पसरलेल्या मराठी समुदायाची गेल्या वीस वर्षांची ही परंपरा ! होय, तब्बल वीस वर्षे. अख्खी फॅमिली 'चिंटू' वाचतेय, असं दृष्य घरा-घरांत दिसतं...फॅमिलीतल्या प्रत्येकाला 'चिंटू' आपला वाटतो...यांत 'चिंटू'चं सारं सारं यश आहे. नाही का? रोजच्या जगण्याला किंचित हलकं करणाऱया 'चिंटू'चा येत्या सोमवारी (ता. 21) आहे बर्थडे ! आपला 'चिंटू' एकविसाव्या वर्षांत प्रवेश करतोय...

गुरुत्वाकर्षणाचा शोध कसा लागला, त्याची कथा तुम्हा-आम्हा सर्वांनाच माहीत आहे. झाडावरून सफरचंद पडताना पाहिले आणि महान संशोधक न्यूटन यांना पृथ्वीच्या गुरुत्वाकर्षण शक्‍तीचा सिद्धांत मांडण्याची प्रेरणा मिळाली. मात्र इतक्‍या वर्षांनंतर आता न्यूटन यांच्या याच सफरचंदाच्या झाडाने, हाच गुरुत्वाकर्षणाचा नियम मोडला आहे. नुसता मोडलाच नाही, तर चक्‍क ते पृथ्वीच्या गुरुत्वाकर्षण कक्षेच्या बाहेर जाऊन अवकाश सफर करून आले आहे.