क्‍लासमेट

पक्षीजगत

--- — Fri,16 Dec 2011 1:7:18 +0550

छोट्या दोस्तांनो, पक्षी तुम्हाला काही नवे नाहीत. अगदी लहानपणीच्या चिऊ-काऊच्या घासापासूनच आपली आणि पक्ष्यांची मैत्री आहे. पण आपल्या सभोवताली आज असे कितीतरी पक्षी आहेत, की ज्यांची आपल्याला नावेही माहीत नाहीत. अशाच पक्ष्यांची माहिती करून देणारे "पक्षी जगत' हे सदर आजपासून खास तुमच्यासाठी सुरू होत आहे. या सदरामध्ये हे पक्षी राहतात कसे, खातात काय, त्यांची वैशिष्ट्ये काय अशी विविधांगी माहिती असणार आहे. चला तर मग सज्ज व्हा, या पक्षी जगताच्या सफरीला.. . पाणथळ पक्षी आकाशात उडणारे पक्ष्यांचे थवे तुम्ही कित्येकदा पाहिले असतील ना? अन्‌ झाडांवर बसलेल्या पक्ष्यांचा चिवचिवाटही ऐकला असेल! पण कधी तुम्ही पाण्यात राहणारे पक्षी पाहिले आहेत? तुम्ही म्हणाल पाण्यात काय, बदके राहतात. खरं आहे, तुमचे. पण केवळ बदकेच नाही, तर इतरही अनेक पक्षी पाण्यात राहतात. पण हे पक्षी उडण्याऐवजी पाण्यात का पोहतात? असा विचार कधी केलाय? मित्रांनो, निसर्गाने या पक्ष्यांची रचनाच मुळी वेगळ्या पद्धतीने केली आहे. गावची नदी, तलाव, खाडी, समुद्र अशा पाणथळ जागी आढळणारे हे पक्ष्यांचे शरीर मुळातच हलके असते.

पक्षीजगत

--- — Fri,16 Dec 2011 1:7:18 +0550

जिज्ञासा

--- — Fri,16 Dec 2011 0:58:13 +0550

चष्मा डोळ्यांना कमी दिसू लागले, डॉक्‍टरांचा सल्ला घेतला जातो. त्यानंतर आपल्याला आवश्‍यक असा चष्मा दिला जातो. परंतु डोळ्यांना वारा लागू नये किंवा डोळ्याचे संरक्षण करण्यासाठीही चष्मा वापरला जातो. "गॉगल' हाच शब्द मोठ्या प्रमाणात वापरला जातो. दर्जानुसार त्याची किमतही तितकीच अधिक असते. परंतु चष्मा काही प्राचीन काळापासून वापरात नाही. काचेच्या शोधानंतर आणि डोळ्यांना चांगले स्पष्ट दिसण्यासाठी, किंवा अक्षरे मोठी दिसण्यासाठी काचा वापरण्यास सुरवात झाली. तसेच वृद्धत्वामुळे किंवा अन्य कारणाने दृष्टी कमी झाल्यानंतरसुद्धा नेत्रशास्त्रात अधिकाधिक शोध, संशोधनानंतर विशिष्ट प्रकारचा चष्मा वापरल्याने दिसू लागले. यातूनच पुढे चष्मा वापरण्याची पद्धत सुरू झाली असावी. इ.स. 1604 मध्ये केपलर या विदेशी शास्त्रज्ञाने प्रथम चष्मा निर्मितीसंबंधी विचार मांडले. सूर्याच्या उन्हापासून, अतिनील किरणांपासून संरक्षण मिळवण्यासाठी फोटोक्रोमॅटिक भिंग सूर्यकिरण वेगवेगळे करणारे वापरतात. काही मोटारगाड्यामध्ये खिडक्‍यांच्या काचा अतिनील किरणे थोपवतात. गोल्फ खेळाडू पिवळ्या रंगाच्या काचा वापरतात. नेमबाजही पिवळे चष्मे वापरतात.

गंमत गोष्टी -

--- — Fri,16 Dec 2011 0:55:17 +0550

"उभी मैत्री' कालपासून बाजूच्या घरात ठाकठोक, ठकाठक असे आवाज येत होते. त्याने एक दोनदा बाजूच्या घरात डोकावून पाहण्याचा प्रयत्न केला. पण नीटसे काही समजले नाही. चालले असेल नेहमीचे रिपेअरींग... कळेल नंतर. असे समजून त्याने लक्ष दिले नाही. आणि आज सकाळी पाहतो तर काय? त्याचा जुना शेजारी जाऊन तिथे एक नवीन टकाटक शेजारी आलेला. या नवीन शेजाऱ्याचे दिसणे, त्यांचे पॉश कपडे, त्याचा लूक... सगळेच डिफरंट! एकदम हटके!! जुना शेजारी मात्र साध्याच कपड्यात. हा नवीन शेजारी पाहून जुन्याला आपले जुन्या मैत्रीचे उभे दिवस आठवले. दिवसभर उभ्यानेच गप्पा मारायच्या. एकमेकांच्या घरातली उणी - दुणी काढत कधी भांडायचे... पण थोड्याच वेळात पुन्हा मैत्री. वारा जोरात सुटला की, दिवसातून तीन - चार वेळा तरी ते भिंतीवर आपटायचे. सांधे दुखायचे... झिणझिणायचे! रात्रभर आवाज न करता गप्प उभे राहायचे. सकाळपासून पुन्हा आत-बाहेर सुरू. पावसाळा जवळ आला की सांधे कुरकुरायचे. घासून - घासून लाल व्हायचे. अशावेळी शेजारच्या घरातले आजोबा, मोठ्या प्रेमाने त्यांच्या सांध्यात तेल घालायचे.

क्लासमेट २६ नोव्हेंबर२०११