गोमन्तक विशेष

गुन्हेगारीमुळे लोकप्रतिनिधी आले गोत्यात!

--- — Sat,28 Jan 2012 9:15:0 +0550

पणजी, ता. 27 ः देशात इतर राज्यांच्या तुलनेत गोवा हे एकदम छोटे राज्य आहे. या छोट्याशा राज्यात तब्बल चाळीस आमदार येथील नागरिकांचे प्रतिनिधित्व करतात. देशातील एखाद्या राज्याच्या जिल्ह्याएवढे गोव्याचे क्षेत्रफळ आहे. इतर राज्यांचे क्षेत्रफळ मोठे आहे. त्यामुळे आमदारांची आणि मंत्र्यांची मोठी संख्या समजून घेता येऊ शकते. या मोठ्या राज्यातील मोठ्या संख्येतील मंत्री, आमदारांवर गुन्हेगारी स्वरूपाचे आरोप आणि तक्रारी कमी असतील, पण गोव्यातील मात्र मंत्री, आमदारांवरील हे आरोप आणि गुन्हे मात्र इतर राज्यांच्या तुलनेत तसे जास्तच आहेत. विधानसभेतील आरोप, प्रत्यारोप सोडले तरी पोलिस तक्रारीतही गोव्यातील मंत्री, आमदार काही मागे नाहीत, हे मागच्या काही वर्षांचा आढावा घेतला तर निदर्शनास येईल. गेल्या पाच वर्षांचे गोव्याचे राज्यशकट कॉंग्रेस, राष्ट्रवादी कॉंग्रेस, मगो आणि एका अपक्ष आमदाराच्या सहकार्याने हाकण्यात आले. एकमेकांवर अवलंबून असलेल्या या सरकार पक्षातील बऱ्याच मंत्री, आमदारांना आरोप आणि पोलिसी तक्रारींचा सामान करावा लागला.

आमदाराचे प्रगतिपुस्तक प्रियोळ मतदारसंघ ः दीपक ढवळीकर

--- — Sat,28 Jan 2012 7:0:0 +0550

माशेल, ता. 27 ः प्रियोळ मतदारसंघ हा भौगोलिकदृष्ट्या डोंगर-दऱ्यांचा, कुळागारांनी व्यापलेला आणि विकासाच्या दृष्टीने मागासलेला असा मतदारसंघ आहे. सुरुवातीची 17 वर्षे आणि भाजपची राजवट सोडल्यास हा मतदारसंघ विरोधी पक्षाकडेच राहिला. त्यामुळे या मतदारसंघाचा तसा विकास झालेला. 2007 साली विधानसभा निवडणुकीत मगो पक्षाचे दीपक ढवळीकर आमदार म्हणून मतदारसंघातून पहिल्यांदाच निवडून आले आणि त्यांनी सरकारलाही पाठिंबा दिल्याने त्यांनी सरकारसमोर ठेवलेल्या महत्त्वाच्या कामांना प्राधान्य मिळाले. या मतदारसंघातील बाणस्तारी, माशेल ते अमोणे पुलापर्यंतच्या रस्त्याचे रुंदीकरण आणि डांबरीकरण झाले. माशेल-खांडोळा, सावईवेरे, केरी फोंडा रस्त्याची सुधारणा झाली. माशेल-कुंभारजुवे पूल व माशेल-टोंक रस्त्यांचे रुंदीकरण व हॉटमिक्‍स डांबरीकरण झाले. डोंगराळ भागातील शीलवाडा, जांबूळ, बोडायो, कणकवाडा येथे नवीन रस्ते झाले. खेडे, आमचेवाडा, आताडी, पाळी, बोडथे येथे पिण्याच्या पाण्याची सोय झाली. केरी, पाल, या खेडेगावातून बसची सोय केली. या मतदारसंघात 12 तळी बांधून कुळागरांसाठी पाण्याची व्यवस्था करण्यात आली.

आमदाराचे प्रगतिपुस्तक वाळपई मतदारसंघ ः विश्‍वजित राणे

--- — Sat,28 Jan 2012 6:45:0 +0550

वाळपई, ता. 27 ः वाळपई मतदारसंघाचे आमदार विश्‍वजित प्रतापसिंह राणे यांनी गेल्या पाच वर्षांत वाळपई शहराबरोबरच ग्रामीण भागातसुद्धा विविध विकासकामे पूर्ण केली आहेत. त्यांनी दिलेल्या आश्‍वासनांची बहुतेक कामे पूर्ण केली आहेत. वाळपई पालिका क्षेत्रातील सर्व प्रभागांतील रस्त्यांचे हॉटमिक्‍स डांबरीकरण झाले. वाळपईत डॉ. आमशेकर पुलापासून ते पेट्रोल पंपापर्यंत वाळपई, फोंडा व पणजी मुख्य रस्ता आदी रस्त्यांचे रुंदीकरण व सौंदर्यीकरणही पूर्ण झाले. रस्त्याच्या दोन्ही बाजूंना शोभेच्या झाडांची लागवड व उंच विद्युत दिवे उभारण्यात आले आहेत. वाळपई बाजारात जुनी मार्केट इमारत मोडून त्याजागी सुधारित नवीन मार्केट उभारण्याचे काम सुरू झाले आहे. ते पूर्ण झाल्यावर येथील सुमारे 35 व्यापाऱ्यांना नवीन प्रशस्त जागाही मिळणार आहे तसेच नवीन प्रशासकीय इमारतीची काम सुरू असून त्यात नगरपालिका कार्यालय, सिनेमागृह, वातानुकूलित सभागृह, भाजी मार्केट अशी विविध सोयी सुविधा उपलब्ध होणार आहे. वाळपई बसस्थानकाचे काम अंतिम टप्प्यात आहे. या ठिकाणी बालोद्यान, पार्किंग व्यवस्था, सभागृह, दुकाने अशा सुविधा असणार आहेत.

प्रगतिपुस्तक आमदाराचे केपे मतदारसंघ ः बाबू कवळेकर

--- — Sat,28 Jan 2012 6:30:0 +0550

केपे, ता. 27 ः केपे मतदारसंघाचे आमदार या नात्याने लोकांच्या सेवेला वाहून घेताना लोकांच्या ज्या गरजा व मागण्या होत्या त्या पूर्ण करण्याचे आटोकाट प्रयत्न केले असून निवडणुकीवेळी जी जी आश्‍वासने आपण दिली होती ती आपण पूर्ण केल्याचे केपे मतदारसंघाचे आमदार चंद्रकांत ऊर्फ बाबू कवळेकर यांनी सांगितले. या मतदारसंघातील अति दुर्गम अशा बार्शे, मोरपिर्ला, बेतूल, कावरे-पिर्ला, फातर्पा या पंचायत क्षेत्रात वीज व पाणी पुरवठ्याची सोय कोली. या मतदारसंघाचा अधिकतर भाग डोंगराळ व दुर्गम असल्याकारणाने मोरपिर्ला, बेतूल, फातर्पा व बाळ्ळी या पंचायत क्षेत्रात सुमारे 5.50 कोटी रुपये खर्चून आंबावली ते बाळ्ळी अशी स्वतंत्र जलवाहिनी घालण्यात आली. कावरे-पिर्ला पंचायत क्षेत्रातील अति उंच अशा कर्ला, काजुगठ्ठो, मानगाळ डोंगराळ भागात विजेची सोय करण्यात आली तसेच दुर्गम भागात रस्त्यांचेही काम करण्यात आले. केपे मतदारसंघात सुमारे 37 बंधारे बांधण्यात आले असून त्यामुळे या परिसरातील पाण्याच्या पातळीत वाढ झाली आहे. या प्रत्येक बंधाऱ्यासाठी 40 ते 60 लाख रुपये खर्च आला.

गोव्याची वैद्यकीय क्षेत्रात "लीडरशिप' करण्याची क्षमता: डॉ. दिगंबर नाईक

--- — Thu,26 Jan 2012 7:15:30 +0550

पणजी, ता. 25 - देशातील इतर ठिकाणांपेक्षा गोव्यात वैद्यकीय सुविधा चांगल्या असून, वैद्यकीय क्षेत्राचे नेतृत्व करण्याची ताकद गोमंतकीय डॉक्‍टरांत असल्याने सरकारपातळीवर त्यादृष्टीने प्रयत्न व्हायला हवेत, असे मत म्हापसा येथील प्रसिद्ध वृंदावन इस्पितळाचे डॉ. दिगंबर नाईक यांनी व्यक्त केले. गोव्यातील या वैद्यकीय सुविधांचा लाभ केवळ गोमंतकीयच नव्हे, तर परराज्यातील नागरिक आणि विशेष करून विदेशी पर्यटक घेताहेत. यावरून येथील वैद्यकीय सुविधांचा अंदाज येऊ शकतो, असे डॉ. नाईक म्हणाले. "गोमन्तक'च्या कार्यालयात आयोजित वार्तालाप उपक्रमात डॉ. नाईक बोलत होते. यावेळी डॉ. संतोष गडवी उपस्थित होते. एक काळ असा होता, ज्यावेळी सरकारी सोडले, तर गोव्यात एकही खासगी आणि परिपूर्ण असे इस्पितळ नव्हते. आता काळ बदलला आहे. सरकारी पातळीवर आरोग्याच्याबाबतीत अगदी पोर्तुगीज कालापासून काळजी घेतली जात असून, पोर्तुगीज राजवटीतही गोव्यात आवश्‍यक वैद्यकीय सुविधा उपलब्ध होत्या, ज्यांचा फायदा गोमंतकीयांना झाला आहे.

औद्योगिक क्षेत्रासाठी सरकारने काहीच केले नाही!: मांगिरिश पै रायकर

--- — Tue,24 Jan 2012 6:40:0 +0550

पणजी, ता. 23 - इतर राज्यांपेक्षा गोवा हे आकाराने लहान राज्य असले, तरी येथील वातावरण उद्योगासाठी पोषक आहे. फक्त त्यासाठी आवश्‍यक साधनसुविधा उपलब्ध करण्याची गरज आहे, असे सांगताना गेल्या पाच वर्षांत त्यासाठी सरकारकडून कोणतेही प्रयत्न झाले नसल्याची टीका प्रसिद्ध उद्योजक तथा गोवा चेंबर ऑफ कॉमर्सचे अध्यक्ष मांगिरिश पै रायकर यांनी केली. गोव्यातील विधानसभा निवडणुकीच्या पार्श्‍वभूमीवर दैनिक गोमन्तक कार्यालयात आज (सोमवारी) मांगिरिश रायकर यांनी "गोमन्तक' प्रतिनिधींशी वार्तालाप करताना राज्यातील उद्योग क्षेत्रासंबंधी आपले परखड विचार मांडले. राज्यातील उद्योग व्यवसाय वाढायला हवा. मुळात राज्यात उद्योग, शिक्षण, आरोग्य या क्षेत्रात सरकारकडून भरीव कामगिरी होणे गरजेचे आहे. विशेषतः औद्योगिक वाढीसाठी सरकारकडून मूलभूत गरजा पुरवण्यासाठी प्रयत्न होण्याची आवश्‍यकता आहे. मुख्य म्हणजे वीज, पाणी या उद्योगांना व्यवस्थित मिळाले तर उद्योगांची भरभराट होणे शक्‍य आहे. उद्योगांसाठी लागणारे कुशल कामगार गोव्यात मिळणे कठीण होत असल्याने शेवटी परराज्यातील कामगारांवर विसंबून राहावे लागते.

महापालिकेकडून घटनात्मक कर्तव्याचे पालन नाही

--- — Tue,13 Dec 2011 3:6:20 +0550

मुंबई उच्च न्यायालयाच्या गोवा खंडपीठाने यापूर्वीच नोंदविले निरीक्षण पणजी, ता. 12 (प्रतिनिधी) ः सांतिनेज खाडी नियमित स्वच्छ करण्यासाठी पावले न उचलून महापालिकेने घटनात्मक कर्तव्याचे पालन केलेले नाही, असे निरीक्षण मुंबई उच्च न्यायालयाच्या गोवा खंडपीठाने यापूर्वीच नोंदविले आहे. न्या. एस. बी. देशमुख आणि न्या. यू. डी. साळवी यांच्या खंडपीठाने 4 सप्टेंबर रोजीच्या अंतरीम आदेशात हे निरीक्षण नोंदविलेले आहे. याशिवाय महापालिकेने सांतिनेज खाडी स्वच्छतेसाठी कालबद्ध कार्यक्रम आखावा, असा अंतिम आदेश न्या. व्ही. के. ताहीलरामाणी आणि न्या. एन. ए. ब्रिटो यांच्या खंडपीठाने डॉ. वामन परब व इतरांची याचिका निकालात काढताना दिला होता. न्यायालयाने 20 नोव्हेंबर 2009 रोजी दिला होता. त्यासाठी नेमलेल्या उपसमितीचा अहवाल विचारात घ्यावा आणि खाडीच्या किनारी उघडी स्वच्छतागृहे बांधल्याप्रकरणी महापालिकेने जारी केलेल्या नोटिशींना नगरविकासमंत्र्यांनी दिलेल्या स्थगितीवर चार आठवड्यांत निर्णय घ्यावा, असेही खंडपीठाने आदेशात म्हटले आहे. मात्र या आदेशाचे पालन झाले का, या प्रश्‍नाचे उत्तर याची हमी दिलेल्यांनीच दिलेले बरे.

सांतिनेज खाडी पुन्हा खळाळणार

--- — Sat,10 Dec 2011 22:31:30 +0550

पणजी, ता. 9 ः सांतिनेज खाडी पुन्हा खळाळून वाहण्यासाठी आवश्‍यक त्या सर्व उपाययोजना सर्व संबंधित सरकारी खात्यांच्या मदतीने करण्याचा निर्णय गोवा राज्य प्रदूषण नियंत्रण मंडळाच्या बैठकीत घेण्यात आला. खाडीच्या बाजूला असलेली अतिक्रमणे हटविण्यासह तेथे फिरते स्वच्छतागृह तैनात करण्याची उपाययोजनाही बैठकीत सुचविण्यात आली. तत्पूर्वी खाडीच्या पाण्याचे नमुने घेऊन प्रदूषणासाठी कारणीभूत असलेल्यांवर कायदेशीर कारवाई करण्याचेही ठरविण्यात आले. मंडळाचे सदस्य आणि गोवा चेंबर ऑफ कॉमर्सचे अध्यक्ष मांगिरीश पै रायकर यांनी "गोमन्तक'च्या वृत्तमालिकेचा उल्लेख करत हा विषय मंडळाने हाती घेण्याविषयी विवेचन केले. खाडी कशी प्रदूषित झाली आणि खाडीच्या पात्रावर झालेल्या अतिक्रमणांबाबत वृत्तमालिकेतील मजकुराच्या साहाय्याने विवेचन केले. वन खात्याचे प्रमुख अतिरिक्त प्रधान मुख्य वनसंरक्षक डॉ. शशिकुमार यांनीही अशीच भूमिका मांडली. खाडी मृतप्राय होऊ देता कामा नये, असे आग्रही प्रतिपादन त्यांनी केले. आपण चालत जाऊन खाडीची दुर्दशा पाहिल्याचेही त्यांनी बैठकीत सहभागींच्या नजरेस आणून दिले.

सांतिनेज खाडी पुन्हा खळाळणार

--- — Sat,10 Dec 2011 22:31:30 +0550

सांतिनेज खाडी खळाळून वाहिल्यास नागाळीत भाजीचे मळे फुलतील

--- — Thu,8 Dec 2011 10:15:0 +0550

पणजी, ता. 7 ः सांतिनेजची खाडी पुन्हा खळाळून वाहिल्यास नागाळीच्या लोकांना शेती आणि भाजीचे मळे पुन्हा फुलविता येतील. सध्या खाडीचा प्रवाहच बंद केल्याने नागाळीलगत खाडीचा प्रवास सुकतो कारण भरतीचे पाणी वर येत नाही. या साऱ्याचा फटका सुमारे अनुसूचित जमातीच्या सुमारे दोन हजार जणांना बसतो. नागाळीचे शेतकरी रामनाथ मंगेशकर यांनी आज "गोमन्तक'च्या कार्यालयात येऊन ही व्यथा मांडली. ते म्हणाले, गेली 10 वर्षांपूर्वीपर्यंत नागाळीच्या शेतात वर्षाला तीन पिके घेत होतो. भात, भाजीपाला, कणगे आणि कांद्याची शेती केली जायची. काही जण फुलांची शेती करून आपली उपजीविका चालवायचे. आता खाडीचा प्रवाह रोखला गेल्याने भरतीचे पाणी येणे बंद झाले आणि नागाळीलगतचा प्रवाह हिवाळ्यात आणि उन्हाळ्यात सुकू लागला. त्यामुळे पावसात केल्या जाणाऱ्या भातशेतीव्यतिरीक्त अन्य कोणतेही पीक घेता येत नाही. नागरीकरणाच्या हव्यासापोटी नागाळीची कृषी अर्थव्यवस्था उद्‌ध्वस्त करण्यात आल्याचा आरोप करून ते म्हणाले, गेली चाळीसवर्षे मोटरसायकल पायलटचा व्यवसाय करत आहे म्हणून चूल पेटत आहे. सर्वस्वी शेतीवर अवलंबून असलेल्यांना सध्या दिवस फार कठीण आले आहेत.