गोवा सहकारी दूध उत्पादक संघाचे दूध किंचित महाग असले तरी दुधाच्या दर्जाबाबत कधी तडजोड केली नाही. दर्जाबाबत गोवा दूध उत्पादक संघ आघाडीवर आहे. परराज्यातील दूध संस्थांकडून गोव्यात वितरण होणाऱ्या दुधाशी तुलना करता गोवा डेअरीच्या दुधात कधीच आरोग्याला हानिकारक द्रव्ये आढळून आली नाहीत. त्यामुळे गोमंतकीयांत गोवा डेअरीच्या उत्पादनाबद्दल विश्‍वास आहे, असे प्रतिपादन गोवा सहकारी दूध उत्पादक संघाचे अध्यक्ष माधव सहकारी यांनी आज केले.