गुरुत्वाकर्षणाचा शोध कसा लागला, त्याची कथा तुम्हा-आम्हा सर्वांनाच माहीत आहे. झाडावरून सफरचंद पडताना पाहिले आणि महान संशोधक न्यूटन यांना पृथ्वीच्या गुरुत्वाकर्षण शक्‍तीचा सिद्धांत मांडण्याची प्रेरणा मिळाली. मात्र इतक्‍या वर्षांनंतर आता न्यूटन यांच्या याच सफरचंदाच्या झाडाने, हाच गुरुत्वाकर्षणाचा नियम मोडला आहे. नुसता मोडलाच नाही, तर चक्‍क ते पृथ्वीच्या गुरुत्वाकर्षण कक्षेच्या बाहेर जाऊन अवकाश सफर करून आले आहे.