मेलबर्न, ता.५ - ऑस्ट्रेलियाविरुद्ध सुरू असलेल्या एकदिवसीय तिरंगी मालिकेतील पहिल्या सामन्यात आज (रविवार) भारतीय कागदी वाघांचा ऑस्ट्रेलियन कांगारूंनी तब्बल 65 धावांनी दणदणीत पराभव केला. ऑस्ट्रेलियाच्या फलंदाजांनी सरस कामगिरी करीत भारतासमोर 216 धावांचे आव्हान ठेवले होते. त्याचा पाठलाग करीत भारतीय फलंदाजांनी एकापाठोपाठ एक विकेट दिल्याने भारताला सर्वबाद 151 धावा करता आल्या.

मेलबर्न, ता. ५ -  मॅथ्यू वेडचे आणि डेव्हिड हसीच्या अर्धशतकाच्या जोरावर ऑस्ट्रेलियाने भारतासमोर विजयसाठी २१७ धावांचे आव्हान ठेवले आहे. भारताकडून विनय कुमारने तीन बळी मिळविले. तिरंगी मालिकेत ऑस्ट्रेलियाविरुद्ध होत असलेल्या सलामीच्या या एकदिवसीय सामन्यात भारताचा कर्णधार महेंद्रसिंह धोनी याने नाणेफेक जिंकत प्रथम गोलंदाजी करण्याचा निर्णय घेतला.

नवी दिल्ली, ता. ५ - भारतीय संघातील फलंदाज युवराज सिंग याला कॅन्सर झाला असल्याचे स्पष्ट झाले आहे. युवराजचे फिजिओ जतिन चौधरी यांनी त्याला कॅन्सर झाल्याचे स्पष्ट केले आहे.   एका वृत्तवाहिनीशी बोलताना चौधरी यांनी त्याचा कॅन्सर गंभीर नसल्याचे म्हटले आहे. सध्या त्याच्यावर अमेरिकेत उपचार सुरु असून, किमोथेरेपी करण्यात आली आहे. त्याच्यावर मार्चपर्यंत किमोथेरेपी करण्यात येणार आहे. तसेच त्याच्यावर कोणतीही शस्त्रक्रिया करण्यात येणार नाही.

बंगळुरू, ता. ४ - आयपीएलच्या पाचव्या मोसमासाठी आज (शनिवार) येथे लिलावास सुरुवात झाली आहे. या लिलावात देश-विदेशातील १४४ क्रिकेटपटूंवर बोली लावण्यात येणार आहे. भारताचा अष्टपैलू खेळाडू रवींद्र जडेजाला आतापर्यंत झालेल्या लिलावात सर्वाधिक म्हणजे सुमारे १० कोटी रुपयांना चेन्नई सुपर किंग्जने विकत घेतले आहे.

नवी दिल्ली - भारतीय क्रिकेट संघाचा मुख्य प्रायोजक असलेल्या 'सहारा' इंडिया कंपनीने भारतीय क्रिकेट नियामक मंडळाबरोबर (बीसीसीआय) झालेल्या वादामुळे प्रायोजकत्व काढून घेण्याचा निर्णय घेतला आहे. तसेच आयपीएलमधील पुणे वॉरियर्स संघाची मालकी रद्द करण्याचा महत्त्वपूर्ण निर्णय घेतला. आज (शनिवार) आयपीएलच्या पाचव्य मोसमासाठी होत असलेल्या लिलावापूर्वी सहाराने हा निर्णय घेत सर्वांनाच मोठा झटका दिला.

पणजी, ता. 1  ः सामन्याच्या पहिल्या वीस मिनिटांत दोन गोलांनी पिछाडीवर पडलेल्या स्पोर्टिंग क्‍लब द गोवा संघाने नंतर झुंजार खेळ केला व पाचव्या आय-लीग फुटबॉल स्पर्धेत पुणे एफसी संघाला 4-2 असे पराजित केले. फातोर्डा-मडगाव येथील नेहरू स्टेडियमवर अठराव्या फेरीतील सामना बुधवारी झाला. सामना गमावल्यामुळे मागील अकरा सामन्यांत अपराजित असलेल्या पुणे एफसी संघाला प्रथमच गुण गमवावे लागले.

सिडनी, 1 - मॅथ्यू वेड याच्या अर्धशतकाच्या जोरावर ऑस्ट्रेलियाने पहिल्या ट्वेंटी-२० सामन्यात भारतासमोर विजयासाठी १७२ धावांचे आव्हान ठेवले आहे. सिडनीतील ऑलिंपिक पार्क मैदानावर होत असलेल्या या सामन्यात भारतीय संघाचा कर्णधार महेंद्रसिंह धोनी याने नाणेफेक जिंकून गोलंदाजी करण्याचा निर्णय घेतला. ऑस्ट्रेलियाचे सलामीवार डेव्हिड वॉर्नर आणि मॅथ्यू वेड यांनी चांगली सुरुवात करून देत जोरदार फटकेबाजी केली.

कराची, 1 - जागतिक कसोटी क्रमवारीत अव्वल स्थानावर असलेल्या इंग्लंड संघाला पाकिस्तान पहिल्या दोन सामन्यातील विजयानंतर तिसऱ्या सामन्यातही विजय मिळवून व्हाईटवॉश देईल, असे मत पाकिस्तानचा माजी कर्णधार शाहिद आफ्रिदीने व्यक्त केले आहे. आफ्रिदी म्हणाला, ''मला वाटतेय की, पाकिस्तान तिसऱ्या कसोटीतही इंग्लंडचा सहज पराभव करेल. पाकिस्तानला ही मालिका ३-० अशी जिंकण्याची चांगली संधी आहे. सध्याच्या संघातील खेळाडू सर्वोत्तम कामगिरी करीत असून, त्यांना यश मिळत आहे.

लंडन, 27 - 1984 साली घडलेल्या भोपाळ वायू दुर्घटनेवरून डाऊ केमिकल्स या कंपनीच्या ऑलिंपिक 2012 च्या प्रायोजकत्वाला असलेला विरोध दिवसेंदिवस वाढत असला तरी कंपनीचे प्रायोजकत्व मागे घेतले जाणार नाही, असे आयोजकांनी आज (शुक्रवार) स्पष्ट केले.   यासंदर्भात लंडन ऑलिंपिकचे कार्यकारी अधिकारी म्हणाले,""आंतरराष्ट्रीय ऑलिंपिक समितीने डाऊ केमिकल्ससोबत 10 कोटी पाऊंडचा करार केला आहे. कुणी राजीनामा दिला म्हणून करारावर फेरविचार करण्याची गरज नाही.

नवी दिल्ली ता. 25 - दिवंगत ज्येष्ठ गायक-संगीतकार भूपेन हजारिका, दिवंगत व्यंगचित्रकार मारिओ मिरांडा, ज्येष्ठ अस्थिरोगतज्ज्ञ डॉ. के. एच. संचेती यांच्यासह पाच जणांना पद्मविभूषण, प्रा. डॉ. शां. ब. मुजुमदार, धर्मेंद्र, शबाना आझमी, प्रा. शशिकुमार चित्रे, मीरा नायर यांच्यासह 27 जणांना पद्मभूषण, तर लावणीसम्राज्ञी यमुनाबाई वाईकर, नाटककार सतीश आळेकर, उद्योजक अरुण फिरोदिया, प्रभाकर वैद्य आदींसह 77 जणांना या वर्षीचे पद्मश्री पुरस्कार बुधवारी जाहीर झाले.

ऍडलेड ता. 25 - मायकेल क्‍लार्क आणि रिकी पॉंटिंग या आजी-माजी कर्णधारांनी भारतीय गोलंदाजांचा यथेच्छ समाचार घेताना शानदार द्विशतके झळकविली. त्यांच्या खेळामुळे चौथ्या क्रिकेट कसोटी सामन्यात ऑस्ट्रेलियाला 7 बाद 604 असा धावांचा डोंगर उभारून डाव घोषित करता आला. त्यानंतर भारताची दुसऱ्या दिवसअखेर 2 बाद 61 अशी डळमळीत सुरवात झाली. त्यामुळे प्रतिष्ठा पणाला लागलेल्या टीम इंडियाच्या फलंदाजांची आता सत्त्वपरीक्षा लागणार आहे.

ऍडलेड, 24 - भारताविरुद्धच्या चौथ्या कसोटी सामन्यात कसोटी कारकिर्दीतील ४१ वे शतक झळकाविणारा ऑस्ट्रेलियाचा क्रिकेटपटू रिकी पाँटिंग याने, आपला सध्या तरी निवृत्तीचा विचार नसल्याचे म्हटले आहे. पाँटिंग हा ३७ वर्षांचा असून, त्याने या शतकासह १३ हजार धावांचा टप्पाही पार केला. अशी कामगिरी करणारा तो जगातील तिसरा खेळाडू आहे. गेल्या तीन कसोटी डावांमध्ये पाँटिंगने हे दुसरे शतक केले आहे.

नवी दिल्ली, 24 - आंतरराष्ट्रीय क्रिकेटमध्ये धावांचा विक्रम करणारा मास्टर ब्लास्टर सचिन तेंडुलकरऐवजी भारताचा माजी कर्णधार सौरव गांगुलीने दक्षिण आफ्रिकेचा जॅक कॅलिस सर्वात प्रभावी फलंदाज असल्याचे म्हटले आहे.   भारत आणि ऑस्ट्रेलिया यांच्यात ऍडलेडमध्ये आजपासून सुरु झालेल्या चौथ्या कसोटी सामन्यावेळी इयान चॅपेल यांच्यासमवेत समालोचन करताना गांगुलीने हे वक्तव्य केले आहे.

दिवस निश्‍चित करण्याचे अधिकार रणधीरसिंगना नवी दिल्ली, ता. 23 ः राष्ट्रकुल क्रीडा स्पर्धेच्या संयोजनातील भ्रष्टाचारात अडकलेल्या सुरेश कलमाडी यांचे अस्तित्व निश्‍चित करण्यासाठी भारतीय ऑलिंपिक संघटनेने सोमवारी तातडीने कार्यकारी समितीची बैठक बोलाविण्याचा निर्णय घेतला. भ्रष्टाचाराच्या आरोपात तुरुंगात रवानगी झालेल्या कलमाडींची नऊ महिन्याने जामिनावर सुटका झाली. त्या वेळी त्यांनी "आयओए'च्या अध्यक्षपदी राहण्यास स्वारस्य नसल्याचे स्पष्ट केले होते.

मेलबर्न, ता. २३ - ऑस्ट्रेलियन ओपन टेनिस स्पर्धेत भारताची टेनिसपटू सानिया मिर्झाने मिश्र दुहेरी आणि महिलांच्या दुहेरीच्या उपांत्यपूर्व फेरीत प्रवेश केला. सानियाने दुहेरीत एलेना वेसनिना हिच्यासह, तर मिश्र दुहेरीत महेश भूपतीसह उपांत्यपूर्व फेरीत प्रवेश केला. सानिया आणि भूपती यांनी २००९ मध्ये ऑस्ट्रेलियन ओपनचे मिश्र दुहेरीचे विजेतेपद मिळविले होते.

चेन्नई, ता. २३ - गतविजेत्या राजस्थानने यावर्षी सलग दुसऱ्यांदा रणजी करंडक जिंकण्यात यश मिळविले आहे. पहिल्या डावातील आघाडीच्या जोरावर राजस्थानने अंतिम सामन्यात तमिळनाडूचा पराभव केला. चेपॉक स्टेडियमवर झालेल्या या सामन्यात राजस्थानने पहिल्या डावात तमिळनाडूवर ३२९ धावांची आघाडी घेतली होती. राजस्थानच्या गोलंदाजांनी तमिळनाडूचा पहिला डाव २९५ धावांत संपुष्टात आणून संघाला विजयासाठी महत्त्वपूर्ण आघाडी मिळवून दिली होती.

दुबई, ता. २३ - श्रीलंकेने दक्षिण आफ्रिकेचा पाच एकदिवसीय सामन्यांच्या मालिकेतील शेवटच्या दोन सामन्यात पराभव केल्याने भारताला आय़सीसी एकदिवसीय क्रमवारीत दुसऱे स्थान मिळाले आहे. विश्वविजेत्या भारतीय संघाला श्रीलंकेचा याच मालिकेत दक्षिण आफ्रिकेने पहिल्या तीन सामन्यात पराभव केल्याने दुसरे स्थान गमवावे लागले होते. फलंदाजांच्या यादीत भारताचा विराट कोहली तिसऱ्या स्थानावर असून, महेंद्रसिंह धोनी पाचव्या स्थानावर आहे.

बंगळुरू, ता. २३ -  दक्षिण आफ्रिकेविरुद्धच्या एकदिवसीय मालिकेत ३-२ असा पराभव स्वीकारावा लागल्यानंतर श्रीलंकेचा कर्णधार तिलकरत्ने दिलशान याने कर्णधारपदाचा राजीनामा दिला. विश्वकरंडक क्रिकेट स्पर्धेत अंतिम फेरीत भारताकडून पराभव स्वीकारावा लागल्यानंतर श्रीलंकेच्या कर्णधारपदावरून कुमार संगकाराने राजीनामा दिला होता. त्यावेळी तिलकरत्ने दिलशानला कर्णधार बनविण्यात आले होते.

किशोर पेटकर परदेशात खेळताना संघ नेहमीच धडपडतो. ऑस्ट्रेलियात अब्रू वेशीवर टांगली गेली. ऍडलेडला हार स्वीकारल्यास मग नाक मुळासकट कापले जाईल. थोडीतरी इज्जत शाबूत ठेवण्यासाठी ऍडलेडच्या खेळपट्टीवर संघाने धैर्याने खेळ करावा हीच भारतीय क्रिकेटपटूंकडून अपेक्षा आहे. सलग चौथा पराभव टाळण्यास थोडा दिलासा मिळेल. ऑस्ट्रेलियातून येणाऱ्या बातम्यांनुसार, भारतीय क्रिकेटपटू "पिकनिक'च्या मूडमध्ये आहेत. चौथ्या कसोटीअगोदर ते "शॉपिंग'मध्ये मग्न होते.

ऍडिलेड ता. 21 - ऑस्ट्रेलियाचा फिरकीपटू नॅथन लिऑन याने आपण भारताविरुद्धच्या चौथ्या कसोटी सामन्यात घरच्या मैदानावर खेळण्यास उत्सुक असून, मास्टर ब्लास्टर सचिन तेंडुलकरचा बळी मिळविणे माझे स्वप्न असल्याचे म्हटले आहे. लिऑन म्हणाला, '' चौथ्या कसोटी सामन्यात कोणत्याही युवा फिरकीपटूला दिग्गज फलंदाजांसमोर गोलंदाजी करण्याची चांगली संधी आहे. मी माझ्या गोलंदाजीबद्दल समाधानी आहे. सचिनला गोलंदाजी करणे हे माझे स्वप्न आहे.

पणजी, ता. 17  ः पाचव्या आय-लीग फुटबॉल स्पर्धेत साळगावकर स्पोर्टस क्‍लबची सुरवात डळमळीतच होती, मात्र गेल्या पाच सामन्यांत या संघाने एकही लढत गमावलेली नाही. त्यांचा सध्याचा फॉर्म पाहता, बुधवारी (ता. 18) बंगळूरच्या एचएएल संघाविरुद्ध खेळताना वास्कोच्या संघाचे पारडे जड असेल. फातोर्डा-मडगाव येथील नेहरू स्टेडियमवर पंधराव्या फेरीतील सामना होईल. साळगावकर क्‍लबने गेल्या पाच सामन्यात चार विजय व एक बरोबरी अशी कामगिरी केलेली आहे.

पणजी, ता. 17  ः गोव्याची युवा बॅडमिंटनपटू अनुरा प्रभुदेसाई हिने आंध्र प्रदेशमधील विजयवाडा येथे झालेल्या अखिल भारतीय मानांकन बॅडमिंटन स्पर्धेत लक्षवेधक कामगिरी बजावली. तिने 15 वर्षांखालील मुलींमध्ये एकेरीत उपांत्यपूर्व फेरी गाठली, नंतर दुहेरीत कुहू गर्ग हिच्या साथीत उपांत्य फेरीपर्यंत मजल मारली. एकेरीत अनुराने उपउपांत्यपूर्व लढतीत कुहू गर्ग हिला 21-14, 21-15 असे हरविले.

पणजी, ता.4 - व्यक्तिमत्त्व विकासात खेळाची महत्त्वाची भूमिका असून खेळ हा समाजाचा सर्वांत चांगला चेहरा आहे, असे प्रतिपादन गोव्याचे मुख्य सचिव संजय श्रीवास्तव यांनी येथे केले. "गोमन्तक'तर्फे आयोजित जीनो क्रीडा पुरस्कार वितरण समारंभात प्रमुख पाहुणे म्हणून ते बोलत होते. या समारंभात 2009-10 व 2010-11 या वर्षी क्रीडा क्षेत्रात चमकदार कामगिरी बजावलेल्या गोमंतकीय क्रीडापटूंचा गौरव करण्यात आला. जीवन हे खेळाचे प्रतिरूपच आहे.

मेलबर्न, 28 - भारत-ऑस्ट्रेलिया कसोटी सामन्यात भारताचा पहिला डाव २८२ धावांत आटोपल्यानंतर दुसऱया डावात भारतीय  वेगवान गोलंदाज  उमेश यादवने ऑस्ट्रेलियालाचे झटपट तीन गडी बाद केले. सलामीवीर डेव्हिड वॉर्नर (५ धावा), इद कोवान (८ धावा) व शौन मार्शला (३ धावा) यादवने बाद केले तर मायकल क्लार्कला इशांत शर्माने अग्या एका धावेवर बाद केले. तिसऱया दिवसाअखेर ऑस्ट्रेलियाच्या ८ बाद १७९ धावा झाल्या होत्या. त्यांच्याकडे २३० धावांची आघाडी आहे.

मेलबर्न, 27 - ऑस्ट्रेलियाविरुद्धच्या पहिल्या कसोटी क्रिकेट सामन्यात मास्टर ब्लास्टर सचिन तेंडुलकर ७३ धावांवर बाद झाल्याने चाहत्यांची पुन्हा निराशा झाली आहे. यामुळे सचिनला पुन्हा एकदा महाशतकापासून दूर राहावे लागले आहे. सचिनने ९८ चेंडूंमध्ये ७३ धावा केल्या. त्याला सिडलने बाद केले. सचिनने अर्धशतक पुर्ण केल्यानंतर चाहत्यांची उत्सुकता शिगेला पोचली होती. यावेळी सचिन शतक करणार म्हणून चाहते खुष झाले होते. ७३ धावांवर सचिन बाद झाल्याने चाहते निराश झाले.